كورس التوظيف والعمل الحر في مجالات التسويق الرقمى

انا شيماء منصور اخدت مع الباشمهندسة رحاب كورس التوظيف في التسويق الرقمي والعمل الحر من سنة تقريبًا وكمان اتدربت معاها على الموقع وبقى عندي نماذج أعمال والحمد لله كانت السبب إني اشتغلت دلوقتي وحقيقي فكرة الكميونتي يجمعنا نتشارك في المحاضرات مُحدثة والمذاكرة والتطور في مجالنا هي فكرة رائعه جدًا.

انا صفاء جمال الدين فنانة تشكيلية ومعالجة بالفن. عرفت الباشمهندسة رحاب من فيديو ظهرلي على فيسبوك وكان لقائها مع السيسي وساعتها قلت أنا عايزة أقابل الست دي واتكلم معاها. وقتها مريم أختي كانت اخدت كورس التوظيف في التسويق الرقمي والعمل الحر وقد إيه بتشكر فيه وبتقول إنها مع التاسكات بقت مؤهلة للشغل وقالت لي إن في ناس معاها في الكورس بدأوا بالفعل يشتغلوا ويحققوا نتائج. قلت لها مين قالتلي رحاب إمام قلت لها أنا عارفاها دي اللي ظهرت مع السيسي وأصر عليها تقول بتقبض كام؟! وهوب دخلت معاها كورس التوظيف في التسويق الرقمي والعمل الحر وكورس صناعة المحتوى من الصفر للاحتراف. وعملت لينكدان قوي من خبرة الباشمهندسة رحاب وبعدها جالي أوفر من شركة شحن معروفة اني اشتغل معاهم.

خليني أقولك إن بشمهندسة رحاب أضفتلي كتير جدًا من خلال محاضرتين بس، بشكل أنا اتفاجئت بيه.. وإن كان اشتراكي في الكورس بناءً على الريفيوهات الكتير اللي قابلتني على لينكدإن، وكلها كان بيعكس الانبهار بمدى الإفادة، ودسامة المعلومات، وأد إيه م/ رحاب بتدي من قلبها وما بتبخلش على حد بخبراتها. كل دا أنا لمسته جدًا من خلال المحاضرات، ومراجعة التاسكات.. الإضافة بقا إن صوتها بالنسبالي "اللهم بارك" فيه كمية طاقة إيجابيّة رهيبة. ربنا ينفع بيكي وبعلمك.

كنت بشوف الناس على لينكد ان قبل مشترك في الكورس بيقول كل محاضرة كورس لوحدها كنت بقول بيني وبين نفسي الناس بتأفور بس لما شوفت محاضرة التدوين والكتابة قولت فعلا الناس عندها حق محاضرة التدوين دماغ كورس لوحدها شكرا بشمهندسة رحاب وربنا يبارك في علمك وبجعله علم نافع

انا في الأول لما شوفت محتوى الكورس ولقيت انه مثلا هنتطرق لموضوع زي كتابة المقالات في محاضرة واحدة، قولت اكيد هتدينا نظرة شاملة عن التخصص، لكن اتفاجئت اننا بناخد معلومات كتيرة جدا في ساعتين او تلاتة، أكتر شئ مميز ف الكورس انه بيجيب من الاخر وده طبعا ناتج عن خبرة البشمهندسة، كل محاضرة لازم اطلع منها بمعلومات جديدة حتى لو المحاضرة عن موضوع انا سمعت محاضرات عنه كتير، التطبيق طبعا مهم جدا ومراجعة البشمهندسة بنفسها لكل حاجة ف التاسك وتدينا تعليقات ازاي نحسنه شئ لا يقدر بثمن، ربنا يجعله في ميزان حسناتها لانها ادت للواحد أمل ان كل حاجة بسيطة وسهلة مادام بتبذل مجهود وبتعمل سيرش كويس