شرح موقع مستقل للربح من الانترنت
بتحلم تبدأ رحلة العمل الحر وتحقق أرباح وانت في بيتك؟
عندك مهارات وخبرات سابقة ولكن عندك كمان مخاوف من العمل الحر؟ زي الاحتيال أو المنافسة الكبيرة أو عدم انتظام الدخل الشهري بالمقارنة بالعمل التقليدي؟
وقعت في دوامة الكورسات تخلص كورس وتبدأ كورس، ولغاية دلوقتي مش قادر تدخل عالم العمل الحر؟ علشان مش عارف تبدأ منين؟ وإزاى؟
دلوقتي تقدر تتغلب على كل مخاوفك ومعاهم حاجز اللغة كمان وتبدأ رحلة جمع الأرباح والمكاسب وانت في مكانك بالعمل على موقع مستقل.
المقال ده شرح موقع مستقل للربح من الانترنت بشكل كامل ومفصل هاعرفك إزاي تكون مستقل وتجمع أرباح بالدولار تغنيك عن العمل التقليدى.
ما هو موقع مستقل للعمل من المنزل؟
موقع مستقل للعمل من المنزل هو واحد من اشهر مواقع الفري لانسر العربية ، ويعتبر حلقة وصل بين أصحاب المشاريع من رواد الأعمال في الشركات وأفضل المستقلين اللي عندهم خبرات ومهارات مميزة واحترافية.
عشان كده منصة مستقل بتوفر فرص عمل مميزة للمستقلين العرب لتطوير مهاراتهم وخبراتهم ومساعدتهم على تحقيق أرباح من العمل الحر.
إن كنت تمتلك مهارة في مجال من مجالات العمل الحر هتلاقي كتير من أصحاب المشاريع بيوفروا فرص عمل متنوعة على مدار الساعة على موقع مستقل، تقدر تختار من بينها وتقدم عرض مناسب، يشمل التكلفة ومدة التسليم وتفاصيل العرض، وهنا منصة مستقل هتكون وسيط مثالي بينك وبين صاحب المشروع لضمان مستحقاتك المالية عن طريق تسليم المشروع واستلام الفلوس .
كيفية العمل على موقع مستقل؟
وبعد ما اتعرفنا على موقع مستقل ضروري تتعرف في البداية على كيفية العمل على موقع مستقل، عشان تقدر تبدأ في العمل عليه والتعاقد مع رواد أعمال لإتمام مشاريعهم بإحترافية.
للتعرف على كيفية العمل على موقع مستقل؟ بص للشاشة الرئيسية في الصورة دى
في البداية هتلاقي ثلاث أيقونات على اليمين هم
- صفحة أضف مشروع: ودي خاصة بأصحاب المشاريع، يضيفوا من خلالها مشروع جديد للبحث عن مستقلين.
- صفحة (تصفح المشاريع): ودي هتكون محطة تواجدك معظم الوقت على مستقل، فيها هتقدر تلاقي عدد متجدد وكبير من المشاريع الجديدة في انتظار عروض المستقلين، تقدر تقدم على اللي يناسبك منها.
- صفحة (ابحث عن مستقلين): فيها هتلاقي باقة كبيرة وضخمة للمستقلين على موقع مستقل، تقدر كرائد أعمال تدور عن مستقل عنده مهارة معينة أو تخصص دقيق هيفيدك لإتمام مشروعك باحترافية.
ودلوقتي لو تصفحت المشاريع وقدرت تلاقي مشروع يتفق مع مهاراتك وخبراتك وتقدر تنجز كل مهامة بشكل صحيح؛ هتعمل إيه؟
أقولك
- هتقدم العرض المناسب لك.
- تحدد الميزانية ومدة التنفيذ.
- ساعتها لو قدرت تجذب انتباه العميل واهتمامه هيتم اختيارك لإتمام المشروع.
- بعد إتمام الاتفاق مع العميل هايتم تحويل الفلوس إلى مستقل، حفظاً لحقوقك.
- لما تخلص تنفيذ وتسليم المشروع هاتتحول الأرباح لحسابك على موقع مستقل.
- دلوقتي تقدر تستلم أرباحك بسهولة باستخدام حساب بنكي أو حساب باى بال.
طيب ازاي تقدر تحدد هل يناسبك المشاريع المتاحة على موقع مستقل أو لأ؟ تقدر ببساطة تتعرف على مجالات العمل المتاحة على موقع مستقل وتتأكد هل عندك مهارات وخبرات سابقة في أي مجال منهم أو لأ، وساعتها تنتقل لمرحلة التسجيل على الموقع.
ما هي مجالات العمل المتاحة على موقع مستقل للربح؟
هتلاقي في موقع مستقل للربح مجموعة كبيرة من مجالات العمل الأكثر طلبا في سوق العمل الحر، ومنها
- أعمال وخدمات استشارية: وفيها تخصصات إدارة المشاريع والإدارة المالية وعمل دراسة جدوى المشاريع والتحليل المالي والمحاسبة وغيرهم.
- برمجة وتطوير المواقع والتطبيقات: ويشمل برمجة المواقع وتطوير البرمجيات وتصميم المواقع بمختلف لغات البرمجة.
- تصميم فيديو وصوتيات: فيها تقدر تقدم خدمات التصميم الإبداعي والفوتوشوب وتصميم الجرافيك وتصميم الإعلانات وإنتاج الفيديو وتحريره وغيرهم من خدمات الفيديو.
- دعم، مساعدة، وإدخال بيانات: ومتاح فيه القيام بأعمال إدخال البيانات والدعم الفني وخدمة العملاء والتسويق الالكترونى
- تدريب وتعليم عن بُعد: في القسم ده تقدر تقدم خدمات التدريس عن بُعد أو التعليم الالكترونى، تعليم اللغة الانجليزية.
- التسويق الالكتروني والمبيعات: ويشمل التسويق الإلكترونى على الإنترنت وكمان على مواقع التواصل الاجتماعى ومحركات البحث والبريد الإلكتروني، بالإضافة لإعلانات جوجل وعمل الخطط التسويقية.
- هندسة عمارة وتصميم داخلي: وفيه هتلاقي تخصصات تصميم ثلاثي الأبعاد وتصميم داخلى وهندسة معمارية وتصميم مخططات معمارية.
- كتابة، تحرير، ترجمة ولغات: هنا تقدر تقدم خدمات الكتابة بأنواعها وتحرير المحتوى وإعادة الصياغة والتدقيق اللغوي والترجمة.
خليك دقيق يا صديقي في تحديد المهارات اللي بتمتلكها وخاصة ما يتفق منها مع التخصصات المتاحة للعمل الحر على موقع مستقل، وساعتها تقدر تبدأ بشكل حقيقي في التسجيل على موقع مستقل والانطلاق في رحلة الربح عبر الانترنت.
كيفية التسجيل في موقع مستقل؟
وبعد ما اتعرفنا على طريقة العمل على الموقع وكمان أهم مجالات العمل المتاحة للعمل عليه؛ بتحلم بالانضمام لكوكبة من المحترفين المستقلين العرب على موقع مستقل؟
عندك مهارة معينة وخبرة تقدر تنقلها لغيرك بإحترافية ودقة ومهنية، لو كانت إجابتك هي نعم؛ يبقى دلوقتى تقدر تبدأ في العمل الحر على موقع مستقل.
لكن أول وأهم خطوة هى معرفة كيفية التسجيل في موقع مستقل؟ وإنشاء حساب جديد على الموقع يجمع أعمالك السابقة وخبراتك ومهاراتك لعرضها على العميل بشكل احترافى.
خطوات التسجيل في موقع مستقل
- في البداية افتح موقع مستقل باستخدام الرابط التالي: mostaql.com ، بعدها اضغط على (حساب جديد) في أعلى الزاوية الشمال للشاشة، زى فى الصورة دى .
- هيظهر لك الخيارات الموضحة في الصورة، هتختار إما تسجيل حساب جديد باستخدام جوجل أو باستخدام مايكروسوفت وبعدها املأ الخانات الفاضية بالبيانات المطلوبة ومنها الاسم والبريد الالكترونى والرقم السرى وغيرهم.
- وعشان تكمل خطوات تسجيل الدخول لموقع مستقل حدد اسم المستخدم زى ما بيظهر الموقع ونوع الحساب، إما مستقل أو صاحب مشاريع، وبعدها اختار “حفظ”.
أبشر يا عزيزي! دلوقتي انت مستقل فعلا من بين مستقلين الموقع، لكن باقي خطوة من أهم خطوات جذب العملاء لك والبدء في رحلة العمل الحر على مستقل وهي تصميم ملف شخصي احترافى.
كيف يمكن تصميم ملف شخصي احترافى على موقع مستقل للربح؟
كتير من المستقلين يواجه مشكلة في إيجاد أول عميل على مواقع العمل الحر، مش بس موقع مستقل، وده بالرغم من وجود خبرة كبيرة ومهارات متعددة وسابقة أعمال ممتازة فعلاً، وده بيوصل لمرحلة من الإحباط والفتور، ولكن في الحقيقة الحل بسيط وسهل جدا.
من اهم اسرار الحصول على أول عميل على مستقل وغيره من المواقع الخاصة بالعمل الحر والتوظيف الاهتمام بالبروفايل الشخصي وتصميمه بشكل احترافي مميز يجذب العميل للتعاقد معاك، ممكن كمان تعرف ازاي تصمم بروفايل احترافى على موقع ابورك بقراءة مقال أسرار الحصول على اول عميل على ابورك.
خلينا متفقين إن البروفايل الخاص بك هو أكثر صورة واقعية إحترافية ممكن تنقلها لعملائك عن بُعد، عشان كده اهتم ودقق وراجع خطوة بخطوة للوصول لأفضل نتيجة.
يلا نبدأ في تصميم الملف الشخصى على موقع مستقل للربح خطوة بخطوة
في البداية تعالى نتعرف على مكونات الملف الشخصي؛ الملف الشخصي على موقع مستقل يتكون من
- نبذة تعريفية عنك: وفيها تعبر عن نفسك وتخصصك وأهم اهتماماتك ومهاراتك، وأيه اللى هاتقدر تقدمه للعميل بأسلوب ودود.
- التخصص: وفيه حدد فئة العمل اللي ينتمي لها المسمى الوظيفى لك، زى كتابة المحتوى واللى بيندرج تحت تخصص (كتابة، تحرير، ترجمة ولغات).
- المسمى الوظيفى: اختار المسمى الوظيفى اللى بيتوافق معاك، ويمكن الاستفادة من المقترحات الموجودة بالقائمة المنسدلة في كتابة مسمى وظيفى مناسب.
- المهارات التي تتقنها: عشان يظهر الملف الشخصي بشكل احترافي للعميل لازم تضيف مجموعة من المهارات اللي بتتقنها، لمساعدتك في جمع وتذكر كل المهارات يمكن الاستفادة من مقترحات القائمة المنسدلة للمهارات والاختيار من بينها.
- المعلومات الشخصية: املئ الخانات الخاصة بالاسم واسم العائلة والدولة واللغة والجنس وتاريخ الميلاد مع التأكيد على رقم الجوال لتأكيد الهوية.
- الصورة الشخصية: مفيش شك في أهمية الصورة الشخصية في الحصول على ثقة العميل والظهور بشكل أفضل في نتائج البحث عن مستقلين لإنجاز المشاريع المختلفة، يلا نتعرف على نصائح لإضافة صورة شخصية احترافية للملف الشخصى على مستقل.
- اختار أفضل إضاءة ممكنة لوضوح الصورة.
- استخدم كاميرا ذات جودة عالية.
- ملامح الوجه لازم تكون واضحة بالكامل.
- الفيديو التعريفى: إضافة مميزة لبروفايل المستقل ولكنها غير إلزامية، يمكن تصميم أو تصوير فيديو بجودة متميزة ولمدة لا تزيد عن الدقيقة الواحدة تستعرض فيه نبذة عنك ومجال عملك وأهم خبراتك ومهاراتك.
- اتمام خطوات توثيق الهوية: بعد ما تنتهى من إضافة كل معلومات الملف الشخصى يكون باقي خطوة فعالة لتعزيز الثقة وهي توثيق الهوية، وده هيتم بإضافة صورة البطاقة الشخصية الحكومية، بعدها يراجع فريق خدمة العملاء البيانات خلال ساعات قليلة وإرسال إشعار بتوثيق حسابك على مستقل بنجاح.
كيف تبنى معرض أعمال احترافى على موقع مستقل للعمل من المنزل؟
عندك أعمال سابقة ونماذج مميزة وخبرات ممكن تساعدك في الفوز بمشاريع على موقع مستقل؟! ازاي يقدر العميل يشوفها و يراجعها عشان يتأكد من مهاراتك وخبراتك؟
هنا ييجي دور معرض الأعمال، دليل مميز يعرض للعميل كل اللي تقدر تقدمه بثقة واحترافية، وعشان كده هتلاقي كل أصحاب المشاريع يفضلوا تصفح معرض أعمالك قبل مراسلتك.
ولكن ازاى تبني معرض أعمال احترافي مميز على موقع مستقل للعمل من المنزل
يجذب العميل للتعاون معاك؛ يلا بينا نطبق الخطوات بسهولة.
- في البداية اضغط على (معرض الأعمال)، وبعدين اختار (أضف عمل).
- بعد كده اتبع خطوات ملئ الخانات الفاضية لإضافة العمل وتفاصيله بشكل كامل كما هو موضح في الصور التالية؛ ومنها: عنوان موجز للعمل المرفق، صورة مصغرة تعبر عنه، نبذة لوصف طبيعة العمل، رفع الملف أو إدراج رابط له على موقع نشره، تاريخ انجاز العمل، وأخيراً تحديد المهارات التي استخدمتها لإتمام العمل بالكامل.
- بعد الانتهاء من إضافة تفاصيل العمل والتأكد من صحتها اضغط على (انشر الآن).
- ودلوقتي تقدر تلاحظ وجود العمل في ملف الأعمال.
ما هي أهم مزايا موقع مستقل للربح؟
يتمتع موقع مستقل بوجود عدد كبير من المزايا اللي بتحفز كتير من المستقلين للبدء في العمل الحر من خلاله، ومنها
- كسر حاجز اللغة: موقع مستقل اختيار مميز للمستقلين العرب للتغلب على حاجز اللغة، لإنك هتلاقي كل المشاريع والعروض بيتم عرضها باللغة العربية الفصحى.
- سهولة الاستخدام: آلية عمل الموقع واضحة جدا وسهلة مع وجود خدمة عملاء احترافية متواجدة على مدار الساعة لخدمة أصحاب المشاريع والمستقلين.
- المرونة التامة: يوفر موقع مستقل للمستقلين إمكانية العمل بحرية كبيرة من أي مكان وفي أي وقت يناسبهم.
- تحقيق الأرباح: يمكن اعتبار العمل الحر على موقع مستقل وسيلة مميزة جدا للحصول على دخل إضافي بجانب الوظيفة التقليدية والدخل الثابت.
- المصداقية والأمان: فهو يعمل على الحفاظ على جهدك ومالك من الاحتيال، لإن تكلفة المشروع يتم حجزها في بداية التعاقد عليه، ويتم تحويلها بعد خصم عمولة مستقل إلى حساب المستقل بعد تسليم المشروع مباشرة، كمان بيتم حفظ أموال صاحب المشروع بتجميد تكلفة المشروع على الموقع لغاية وقت استلام العمل بشكل كامل وصحيح، ولو مستلمش أعمال صحيحة وكاملة من حق صاحب المشروع استرداد فلوسه مرة ثانية.
- عمولة معتدلة: عمولة موقع مستقل هي 20% من قيمة المشروع، ولكن في المقابل أنت كمستقل هتلاقي فرص عمل مميزة ومتنوعة وهاتضمن كمان الحفاظ على فلوسك و حقوقك ضد أي نصب أواحتيال.
- توفير حلول مبتكرة: يوفر موقع مستقل للمستقلين إمكانية تحويل فلوسهم بطريقتين الأولى عن طريق باي بال ما دام الرصيد يساوي 25$ أو أكثر، أو عن طريق الحساب البنكى إن بلغ الرصيد 250$ أو أكثر.
ودلوقتي نقدر نقول إنك عرفت كل المعلومات الهامة عن موقع مستقل، وتقدر تنطلق بنفسك في عالم غني بالمتعة والتعلم والخبرة، في البداية حدد مهاراتك واختار تخصصك وبعدها ابدأ في عمل حساب على موقع مستقل وصمم بروفايل شخصي احترافي وضيف أعمال مميزة فعلاً لك.
لكن لو مقدرتش لوحدك هتلاقينا في كورس التوظيف فى التسويق الرقمى والعمل الحر الكورس رقم واحد على لينكدان بنساعدك وندعمك لتحقيق أرباح حقيقية بالعمل الحر على مستقل، وغيره من منصات العمل الالكتروني وده هيساعدك جداً إنك تبدأ بداية صحيحة بأسس عالمية وتبني بورتفوليو قوي تضيفه لملف أعمالك على مستقل أو غيره من المواقع، كمان هتعرف أسرار الحصول على عملاء على مستقل وابورك وفريلانسر وغيرهم كتير.
لمزيد من المعلومات والاستفسارات تواصل معنا
نبذة عن الكاتبة:
صانعة محتوى بخبرة تفوق 5 أعوام في كتابة نصوص إبداعية بغرض توعوي تعليمي أو تسويقي وإعلاني، وذلك بما يتوافق مع معايير SEO، تُدرك كم للكلمة من قيمة ومعنى،لديها شغف كبير باللغة العربية، بها بدأت سطر قصتها في صناعة محتوى احترافي للأفراد والشركات على مر أعوام، لديها من المهارات والخبرات ما يجعلها تقدم محتوى نصي احترافي وحصري لخدمة علامتك التجارية أينما كنت. |
إنه حقا جميل وممتع
السلام عليكم ورحمة الله وبركاته
كل عام وانتم بخير اتمنى لكم التوفيق
جزاك الله خيرا